CEBU, Philippines - Dul-an sa 200 ka mga archers, apil na ang mga sakop sa national team ang mopakita sa ilang ka tirador sa dihang moulbo na ang 2017 Philippine National Outdoor Open and Philippine Cup Finals karong adlawa diha sa Camp Lapu-Lapu grounds.
Mga kategoriya nga tigian naglakip sa PVC, yeoman, bowman, barebow, cub and cadet, para, juniors, seniors and masters alang sa recurve ug compound divisions.
Mangulo sa mga contenders sa recurve action mao sila si Florante Matan, Gab Moreno, Sid Fraginal ug Allen Rakipo, samtang sila si Karylle Hunggitan, Mary Queen Ybañez, Nicole Tagle ug Pia Bedaure ang mga top bets sa womens.
Sila si Earl Yap, Paul Marton Dela Cruz, Joseph Vecencioug Joseph Bague ang mga lig-ong pangan sa compound, samtang sila si Jennifer Chan, Joan Tabaniag, Rachelle Dela Cruz ug Abby Tindugan ang mga atngan sa womens.
Moinit ang aksiyon ugma sa Philippine Cup finals gumikan kay ang Sugbuanong top juniors archers nga sila si Vincent Villa ug Rogelio Tremedal ang mopakita sa ilang katakus.
Ang maong torneyo maoy selection process alang sa national team nga moduwa sa Youth Olympics Games 2018 ug Olympic 2020. (BANAT NEWS)