CEBU, Philippines - Gilangkat sa University of San Carlos ang katapusang luna sa tertiary division sa Cebu Schools Athletic Federation Inc., football event human nila gipatapsingan ang University of San Jose-Recoletos, 2-1, kagahapon didto sa Cebu City Sports Center.
Ang USC makigharung sa University of Southern Philippines Foundation sa finals nga gitakda sa Nobiyembre 13 didto sa CCSC.
Ang USC katapusang mitilaw sa kampiyonato sa CESAFI football niadtong tuig 2014.
Si Miguel Kwan maoy unang midunol og goal sa USC atol sa ika-26 nga minutos, gisundan ni Paulo Saguin atol sa ika-137 minutos.
Atol sa halftime, misumbalik og atake ang USJ-R diin nakahimo sila og goal sa paningkamot ni Christian Nacion, apan wala na nila kini mausbi tungod usab sa paghugot nga depensa sa Warriors. LPM (BANAT NEWS)