CEBU, Philippines - Misidlak sila si Prince Joey Lee ug Annie Balaga human sila midaog sa Pink October Run kagahapon didto sa Cebu Business Park.
Si Lee gauna sa men's 12K sa oras nga 47:46, samtang si Joland Olmilla nagsunod sa oras nga 47:48. Si Rain del Corro maoy third placer sa oras nga 50:59.
Sa pikas bahin, si Balaga maoy women's champion sa oras nga 1:06:16, gisundan nila ni Debbie Cabanero sa ikaduha sa oras nga 1:11:15 ug Rezel May Dalinog isip third placer sa oras nga 1:12:41.
Si Jay-R Baclaan maoy labing paspas sa men’s 6K open sa oras nga 25:46, samtang si Lizane Abella reyna sa women's 6K sa oras nga 25:45.
Midaog sa 6K rotarian class sila si Bernard Sia (32:38) ug Roxanne Cang (51:18), samtang sila si Ivan Solis (31:49) ug Beahmer Bayona (1:06:13) maoy midaog sa 6K medical students.
Sila si Russel Ardiente (15:27) ug Jennifer Savellon (23:11) maoy nangharus sa 3K fun run. (BANAT NEWS)