CEBU, Philippines - Si Joseph Miller maoy mangulo sa mga Cebuano triathletes nga mobanat sa 2016 Xterra Langkawi karong Domingo didto sa Langkawi, Malaysia.
Naglaum si Miller nga mapalambo ang iyang performance human sa iyang kampanya sa Xterra Saipan niadtong Marso diin siya mipuwesto sa ikatulong dapit. Si Miller kasamtangang anaa sa ika-11 nga dapit sa standing sa iyang 135 points. Tuyo sab niya nga maapsan si Olly Shaw nga maoy 10th placer sa 138 points. Ang Xterra Philippines champion nga si Bradley Weiss maoy nag-una nga adunay 251 points.
Uban ni Miller ang teammate sa Ford Forza nga si Elmo Clarabal, kinsa tinguha usab nga mobida sa kaugalingon niyang dibisyon.
Tulo usab ka Sugbuanon nga sila si Jose Mari Colminares, Rosalito Albina ug Jonel Borromeo ang morepresentar sa Motor Ace Racing. Si Colmenares ug Borromeo mosalmot sa 45-49 age division, samtang si Albina sa elite class. (BANAT NEWS)