CEBU, Philippines – Giinat ni Kevin Durant ang iyang impresibong scoring record human siya mirehistro sa ika-28 nga 20-point game aron pangulohan ang Oklahoma City Thunder ngadto sa 110-104 nga kadaugan batok sa Denver Nuggets kagahapon didto sa Pepsi Center sa Denver, Colorado.
Si Durant mibahog og 30 puntos uban ang 12 ka rebounds ug upat ka assists, samtang si Russell Westbrook mipakita sab sa iyang katakus human siya moburak og 27 puntos uban sa 12 ka assists alang sa Thunder nga aduna na karo’y 31-12 nga baraha ug maoy ikatulong dunay best record sa Western Conference sunod sa Golden State Warriors ug San Antonio Spurs.
Sa laing mga duwa, na-upset sa Milwaukee Bucks ang Miami Heat sa iskor, 91-79 ,
Ang small forward nga si Khris Middleton maoy nangu sa Bucks human siya moiskor og 22 puntos, gisundan ni Greg Monroe nga adunay 15 puntos ug 10 ka rebounds.
Ang Heat gipangulohan sab nilang Hassan Whiteside ug Chris Bosh nga parehong miiskor og 23 puntos.
Midaog sab ang New Orleans Pelicans batok sa Minnesota Timberwolves 114-99 ubos sa giya ni Anthony Davis nga miburak og 35 puntos ug ang Indiana Pacers nakaipsot batok sa Phoenix Suns, 97-94. (BANAT NEWS)