CEBU, Philippines – Ang mga batan-ong magduduwa og ahedres dinhi sa Sugbo makahigayon na sab pagbaid sa ilang abilidad pinaagi sa McDonald’s Jones Cup Chess Championship nga mosikad karong Sabado diha sa McDonald’s-Jones branch.
Ang rapid competition nga magsubay og 7-round Swiss system format abli sa mga players nga nag-edad og 17-anyos paubos.
Ang unang hugna sa eliminasyon gikatakda karong Enero 23, samtang ang ikaduhang qualifying stage banatan karong Enero 30. Ang top two finishers sa 14-17 ug 13-under age groups moabante ngadto sa monthly finals karong Enero 31.
Limitado lamang ang entrante ngadto sa 60 matag batch. Kadtong interesado mosalmot gihatagan sa mga organizers hangtod ugma lamang adlawa aron makaparehistro.
Ang entry fee nagkantidad og P150 duna na’y libreng chicken McDo meal.
Alang sa dugang mga detalye, mahimong motawag nilang FIDE Arbiter Felix Poloyapoy, Jr. (0933-6642958) o ni Mr. Picson (0998-9723659). (BANAT NEWS)