CEBU, Philippines – Nakatangag na sab og daog ang Bulldogs pinaagi sa paglubong sa Mustang, 84-69 sa 2nd Sunday.com basketball tournament niadtong Biyernes didto sa Mandaue City Cultural and Sports Complex.
Nagmangtas og maayo si Ankie Antigua diin miiskor siya og 18 puntos aron pangulohan ang Bulldog.
Wala sab magpabitin si Allan Bacus, kinsa mikubkob og 14 puntos, samtang si Blaky Casals mikabkab og 12 puntos.
Gawas sa mga puntos, gidominar sab sa Bulldogs ang rebound department nga nakapabitin sa Mustang.
Sila si Mark Chavez ug Ray Neiz mao sab ang nangulo sa Mustang nga parehong miratsada’g 13 puntos, gisundan ni Edward Pepito sa iyang 12 puntos ug Winnie del Castillo nga adunay 11 puntos.
Sa laing duwa, ang Dota nakaipsot sa Tomahawk sa kulbahinam nilang duwa sa iskor nga 61-59.
Walay bisan usa ang miiskor og double figures alang sa Dota, apan nabahin og maayo ang ilang mga puntos.
Si Reynante Joven mitusik og 21 puntos ug si Joseph Palapo adunay 12 puntos alang sa naparot nga Tomahawk.
Misuway unta ang Mustang pag-ilog sa labaw, apan pakyas sila kay ang Bulldogs daan na man nga nakapundo og dakung labaw.
Ang ikaduhang torneyo sa Sunday.com nga namugna pinaagi sa paningkamot sa ilang presidente Tata Nadera, gipaluyohan sa VECO ug sa IPI.
Puntos Matag Usa
Unang duwa:
BULLDOG (84) – Antigua 18, Bacus 14, Casals 12, Ygot 9, Curiba 8, Yu 8, Nadera 6, Mosqueda 4, Cabello 3, Gulbin 3.
MUSTANG (69) – Chavez 13, Neiz 13, Pepito 12, Del Castillo 11, Dabon 9, Antigua 8, Gulbin 3.
Ikaduhang duwa:
DOTA (61) – Salundares 9, Armodia 9, Manatad 8, Antigua 7, Bejasa 6, Mascarinas 5, Paden 4, Lapinid 4, Punzalan 3, Neiz 2, Almazan 2, Jacobe 2.
TOMAHAWK (59) – Joven 21, Palapo 12, Abrenica 9, Dumao 7, Zafra 4, Corilla 4, Auman 2. (BANAT NEWS)