Pakyas ang koponan ni Manny Pacquiao nga Powervit Pilipinas Aguilas pagsakmit sa 2-0 nga baraha sa ASEAN Basketball League human sila gipukan sa Westports Malaysia Dragons, 82-107, didto sa Kuala Lumpur, Malaysia.
Yap mututok sa depensa
Gusto ni Star Hotshots superstar James Yap nga tutukan una ang depensa og giawhag niya iyang mga teammates nga unahon kini sa dili pa ang ilang opensa.
Si Yap nagtuo nga ang depensa maoy labing hait nilang hinagiban aron mulampos karon nga season.
Lanete di na operahan
Gipahibalo sa coaching staff sa Barako Bull Energy Cola nga dili na mopaubos sa operasyon sa mata ang veteran guard nga si Chico Lanete human magisi ang mata niini atol sa ilang duwa niadtong Sabado.
Si Lanete natuslukan sa mata ni Barangay Ginebra San Miguel guard LA Tenorio nga mimugna og paghubag ug pagdugo sa iyang tuong mata.