CEBU, Philippines - Gisugdan sa RDAK Transporters ug Dynamic Power ang ilang kampanya sa semifinals pinaagi sa pagdaog sa 20th SHAABAA Cup basketball tournament niadtong Miyerkules sa gabii didto sa SHS-AdC old campus sa General Maxilom Avenue, ning dakbayan.
Midaog ang RDAK Transporters batok sa Autolab sa iskor nga 40-31, samtang gilubong sa Dynamic Power ang Caltex Delo, 61-36.
Silang John Paul Cabrera ug Jan Ong parehong miiskor og 10 puntos alang sa RDAK, kinsa mihimo’g 17-7 scoring run sa fourth period aron maselyado ang kadaugan.
Sa laing bahin, si Chad Go maoy nangu sa Dynamic Power sa iyang 16 puntos, samtang si Rodrick Mangubat midugang og 14 puntos.
Ang Caltex Delo gipangulohan ni Dennis Que sa iyang 12 puntos. (BANAT PALARO)