CEBU, Philippines - Tulo ka pangutana kun kinsa ang angayang mahimong Athlete of the Year. Ang longest-reigning world champion? Ang fastest Pinay marathoner? O ang sunod nga dakung matang sa Philippine basketball?
Matubag kining maong mga pangutana karong Marso 31 dihang ang Sportswriters Association of Cebu mopasidungog sa maayong laki sa Cebu sports atol sa tinuig nga SAC-SMB Sports Awards diha sa Ayala Activity Center.
Ning tuiga, mangu sa lista sa major awardees nga mao sab ang major achievers sa Philippine sports mao sila si world champion Donnie Nietes, kinsa nahimong labing dugay nga reigning Pinoy champion; two-time Milo marathoner national champion Mary Joy Tabal ug PBA MVP Junemar Fajardo, kanhi University of Cebu (UC) Webmaster ug mao na karon ang labing masidlakon sa pro league.
“Cebu sports was blessed in 2014. It’s fitting that we, the sportswriters, recognize the athletes and individuals who made Cebu stand out once again,” matud pa ni SAC president Rico Navarro.
Gawas sa major awards, ang SAC mohatag sab og citations ngadto sa mga atleta nga nisulbong sa tagsa-tagsa nila ka natad sa sports sa miaging tuig. (BANAT NEWS)