CEBU, Philippines – Pormal nang gibuksan ang 7th edition sa Christian Athletic Volunteers Invitational Basketball Tournament kagahapon didto sa Tejero Sports Complex sa Brgy. Tejero, ning siyudad.
Ang torneyo gisalmotan og pito ka mga koponan nga gipangulohan sa defending champion MGM uban sa AC Sports, San Remigio Properties, FXC Elevator, ASPA Scaffoldings, Crystal King ug JVR-Talisay.
Si Barangay Tejero councilman Garry B.Lao, kinsa mao sab ang chairman for the committee on sports, miingon nga subli silang nakigtambayayong sa Christian Athletic Volunteers aron sa pagpalambo sa abilidad ug pamatasan sa mga atleta.
Sa iyang bahin, si CAV sports director Nino Lao nagkanayon nga mga former varsity ug commercial players mahimong makaduwa sa torneyo nga mosubay og single-round robin format sa elimination round. (BANAT NEWS)