Paref-Springdale nimasaker sa CIC-Mandaue sa Aboitiz Cup

CEBU, Philippines - Gipakita sa Paref-Springdale nga seryoso sila sa ilang kampanya alang sa titulo human mohimo’g makabungog nga kadaugan sa 17th Aboitiz Football Cup kagahapon diha sa Cebu  City  Sports Center (CCSC).

Ang  Springdale ubos sa paggiya ni coach Mario  Ceniza nimasaker sa Colegio de la Inmaculada Concepcion-Mandaue, 26-0 sa boys 18 division.

Sila si Sabin Veloso ug Mark Nacional maoy nangulo sa kadaugan sa Paref-Springdale nga  adunay taglima ka goals. Sa under-13 class, ang Cebu  Dynamo FC mipahilom sa Cebu International School, 6-0, samtang ang  Tabor Hills miiskor og 3-1 nga daog batok sa Benthel Asia.

Ang University of San Carlos-BED ug Sacred Heart School-Ateneo de Cebu nidaog pinaagi sa default batok sa BMALV ug sa San Roque FC. (BANAT NEWS)