CEBU, Philippines – Midagit sa ilang ikatulong sunod-sunod nga daog ang team Warhawk sa Popular Feedmill pinaagi sa pagbihag sa Seven Eleven fastfood chain, 78-46 sa Zaldy Lumapas Inter-Company basketball tournament niadtong Huwebes didto sa Brgy. Umapad gym, Mandaue City.
Nagpungasi nga opensa ug full-court trapping defense gihimong yawi sa kadaugan sa Warhawk, kinsa nagtangag na karon og 3-0 nga baraha.
Sila si Hardy Bionson ug M. Lapinid maoy topscorers sa Warhawk ni team manager Rey Geverola ug consultant RJ Jurado.
Nahugyaw ang nanan-away dihang gipasud ni coach Ranulfo Alivio ang Poligrates sa Warhawk nga si Wendel ‘Wellz Atills’ Atillo sa fourth period dihang yano kaayo niyang nalutsan ang mga defenders sa Seven Eleven nga nakapainat sa ilang labaw
Puntos Matag Usa
WARHAWK (78) – Bionson 10, M. Lapinid 10, Jo. Lumapas 8, Cuyno 8, R. Lapinid 8, Campo 6, Jun Lumapas 6, Bartido 6, Atillo 6, Gonsaga 4, Maluya 2, Entice 2, Garson 2.
SEVEN ELEVEN (46) – Pipeto 10, Pineda 10, Gantuangco 8, Enad 6, J. Pineda 5, Pusadas 4, Bangut 3. (BANAT NEWS)