CEBU, Philippines – Gawas ni Manny Pacquiao, mihatag usab og dungog sa nasud ang laing Pinoy boxer nga si Jerwin 'Pretty Boy' Ancajas pinaagi sa knockout batok ni Tanzanian Fadhili Mahija sa third round kagahapon sa undercard didto sa Venetian Hotel sa Macau.
Ang 22-anyos nga si Ancajas dominante sa unang duha ka round batok sa African boxer, apan ang iyang kusug nga left straight sa ulo ni Mahija ang mitapos sa away sa 1:48 sa third round.
Kadiyot nga nawad-an sa panimuot si Mahija kinsa gitabang nga natuwang ibabaw sa ring rasun sa pag-undang sa referee sa away.
Sa maong kadaugan, si Ancajas nga mao ang IBF Pan Pacific bantamweight champion misaka sa record nga 22-1, 14KOs, samtang si Mahija natagak sa record nga 15-6, 7KOs.
Ang kadaugan maoy ikapitong sunod-sunod nga KO victory sa Pinoy boxer. (LPM) (BANAT NEWS)