CEBU, Philippines - Pakyas gihapon si ALA Boxing gym fighter Rocky ‘Road Warrior’ Fuentes sa ikaduha niyang pagsuway nga mahimong world champion human siya gi-TKO sa round six ni WBC flyweight champion Roman Gonzales didto sa Japan.
Usa ka right hook ang mitama sa apapangig ni Fuentes sa sayong bahin sa sixth round ug gikan didto wala na makarekober ang Sugbuanong boksidor, kinsa gikulata’g maayo sa Nicaraguan boxing star nga si Gonzales.
Si Gonzales aduna na’y 41-0, 35KOs ug pabiling hari sa flyweight division human niya makuha ang bakus niadtong Septiyembre batok ni Japanese Akira Yaegashi didto gihapon sa Japan.
Sa una niyang pagsuway, si Fuentes napilde ngadto ni Thai Amnat Ruenroeng sa ilang IBF title niadtong Enero. (BANAT NEWS)