CEBU, Philippines - Ang duwa sa Barangay Ginebra Gin Kings ug Meralco Bolts maoy masentro sa Mandauehanon dihang ang Cebu-Leyte Cup charity basketball dad-on karon didto sa Mandaue City Cultural and Sports Complex.
Ang duwa sa Ginebra ug Meralco sugdan sa alas-6 sa gabii, samtang ang Barako Bull Energy Cola makigsangka sa Goldstar Hardware sa Davao sa pasiunang duwa sa alas-4 sa hapon.
Ning pagsuwat, ang Meralco padayon pa nga nakigduwa batok sa Barako Bull ug ingon man ang Samsam Gullas-Panalay Tailoring batok Goldstar Hardware didto sa Minglanilla Sports Complex.
Ang mga tiket nagkantidad og P200 sa upper box, P400 sa stage, P500 sa lower box ug P700 sa ring side.
Mapalit ang mga tiket sa New Reroma Pharmacy sa Poblacion Ward 1 sa Minglanilla, Bigstart Travel assistance sa Robinsons Talisay, Cebu Coliseum ug sa The Old Spaghetti House sa SM City-Cebu.