CEBU, Philippines - Ang St. Joseph the Patriarch Parish sa barangay Mabolo mopasiugda sa labing una nilang "Dagan Alang sa Simbahan" karong Mayo 11 diha sa Mabolo Elementary School.
Ang lumba nga gibahin sa upat ka kategoriya – 10K, 5K , 3K ug 1K senior citizen, usa sa mga highlights sa umaabot nga kapistahan sa maong barangay.
Magsilbe usab kini nga fund-raising event alang sa Church renovation project. Ang registration fee nagkantidad og P250 sa tanang kategoriya. Mahimong magparehistro sa St. Joseph Parish ug sa Cebu City Sports Center. Ang deadline sa registration hangtod lamang ugma sa hapon.
Human sa lumba adunay ipahigayon nga zumba session sa mao gihapon nga binyu. (BANAT PALARO)