CEBU, Philippines - Pito ka mga koponan ang mopakita'g aksiyon sa 6th Christian Athletic Volunteer (CAV) Basketball Tournament didto sa Tejero Sports Complex.
Ang liga pormal nga gibuksan kagahapon diin ang dinapit nga mga mamumulong mao sila si Tejero barangay captain Jessielou Cadungog, councilor Garry Lao ug sports director Niño Lao.
Ang mga koponan nga misalmot sa maong torneyo naglakip sa Drillers Basketball, OPASCOR, Day-as Catchers, MGM Sounds, Dexienne, Man Santamaria ug That's Right.
Ang mokampiyon sa maong liga mobulsa'g P20,000, samtang ang second placer modawat og P5,000 ug ang third makaangkon og P2,000. (BANAT PALARO)