CEBU, Philippines - Sugdan karong adlawa, Abril 7 ang CEBU o Character Excellence Basketball Unlimited basketball clinic diha sa Cebu Coliseum.
Mao kini ang gibutyag sa BANAT Sports ni kanhi University of San Carlos (USC) point guard Chino Uy, ang founder sa CEBU Elite.
Ang CEBU Elite basketball clinic diha sa Cebu Coliseum matapos sa Abril 30 ug lain pang clinic ang himoon didto sa J Center Mall sa dakbayan sa Mandaue ug ingon man didto sa Dumaguete City sa lalawigan sa Negros Oriental.
Matod pa ni Uy, ang maong mga clinics maghatag sa mga batan-on og kahigayonan nga makapakita sa ilang abilidad sa basketball.
Ang maong clincs alang sa mga batang babaye ug lalaki nga nagpangedaron og 7-21 anyos ug bisan pa gani mga varsity players tugotan nga mosalmot ilabi na kadtong gusto mokat-on og dugang basic fundamentals.
Adunay bayad nga P1,850 ang clinic diha sa Cebu Coliseum ug libre ang upper jersey ug bola nga maoy gamiton alang sa training.
Ang first batch sa Abril 7-30 (Lunes ngadto sa Biyernes),sundan dayon sa second batch unya sa Mayo 5-30 gikan sab sa Lunes hangtod Biyernes.
Ang Beginners level himoon sa alas 8-10 sa buntag ug ang the Advance class pagahimoon sa alas 10 ngadto sa alas 12 sa udto.
Ang gustong mopa-enroll diha sa Cebu Coliseum mahimong mokontak sa landline numbers nga 255-8919, 255-1405 og sa mobile phone numbers 0922-887-7705 ug 0922-887-2092.
Ang clinic didto sa JCenter Mall matag alas 4-6 sa hapon sa mao gihapong petsa, adunay bayad P/2,000 tungod kay mas dako og abang matag oras sa gym.
Ang mga coaches/trainors sa maong clinics naglakip kanilang ex-Warrior point guard Vernini Tangarorang, Galimar Largo, Jayzar Esperat, Jed Cabellon, Ope Abellana, Bon Rosito, Sesum Asignar ug Roland Remedio.
Ang clinic didto sa Dumaguete sa Abril 7 ngadto sa 16 sa Lamberto Macias Memorial Gym pagadumalaon ni USC Baby Warriors coach Britt Carlo Reroma isip trainor ug aduna kini registration fee nga P1,850. (BANAT PALARO)