CEBU, Philippines - Gawas lang nga modeklarar ang Philippine Atmospheric Geophysical and Astronomical Services Administration (PAG-ASA) og Signal No. 1 sa super typhoon "Yolanda" nga moigo sa Visayas region karong adlawa, magpadayon ang pipila ka sports events sa 23rd Cebu City Olympics.
Atol sa formal opening sa multi-sports competition kagahapon didto sa Cebu City Sports Center, si Mayor Michael Rama mipahibalo nga walay klase sa tanang ang-ang karong adlawa ug ugma, apan ang mga duwa magpadayon karon kun maayo ang dagan sa panahon.
Ugma nga maoy gitakdang pagtugpa sa super typhoon, ang ikanselar una ang tanang mga duwa. (BANAT NEWS)