CEBU, Philippines - Kapin sa 2,500 ka runners ang gilaumang modagan sa labing unang "Industry Run" nga gikatakda sa Hunyo 9 didto sa St. Pedro Calungsod Templete sa South Road Properties (SRP).
Hiniusang proyekto kini sa Cebu Contractors Association Inc., Philippine Contractors Association Inc. ug sa Philippine Institute of Civil Engineers.
Upat ka kategoriya ang mahimong piliang daganan sa mga partisipante ug kini mao ang 21K, 12K, 6K ug 3K run.
Gawas sa kompetisyon, tuyo sab sa maong lumba nga makatigom og pundo alang sa ilang Green School
project pagtukod og mga tunghaan sa urban poor areas sa Barangay Paknaan, Mandaue City.
Mga ganting salapi, tropeyo ug medalya ang nagpaabot sa top performers sa matag kategoriya.
Adunay raffle human sa lumba diin duha ka runners ang may kahigayonan sa pagdaog og Garmin watch.
Ang registration fee nagkantidad og P500 sa 21K, P400 sa 12K, P300 sa 6K ug P200 sa 3K. Libre na niini
ang singlet, lootbags ug hydration.
Mahimong magparehistro sa RUNNR sa Ayala Center- Cebu ug A Runner Circle Cebu sa Raintree Mall. (BANAT PALARO)