Dili dautan ang magpadayag sa atong ka diskontento sa bisan unsang mga butang. Apan ang kuyaw kun mosangpot kini sa kapintas ug kagubot nga moresulta sa pagkaguba sa mga kabtangan ingon man kamatayon sa uban. Kining maong kamtuoran maoy giatubang sa atong mga kaigsuonan didto sa Europa.
Nagpasabot ba gud ni angayang mogamit ning maong pamaagi makab-ot lamang ang gitinguha nga kausaban? Unsay dangatan sa mga inosente? Unsay mahitabo niadtong naingkamot intawon aron magpakabuhi sa tinarong nga pamaagi kang kansang mga patigayon naguba gumikan ning maong gubot nga pmaagi.
Mahimo kining sinugdanan sa mas halapad pa tingali nga protesta ug kuyaw kun moabot kini sa atong nasud gyud mismo. Kay mosugot kita o sa dili lobo gyud ang tawo ngadto sa iyang isigkaingon.
Bisan pa man kun unsaon nato pagrally kun kita mismo walay laraw nga mag-usab sa kaugalingon dili gyud makab-ot ang kabag-ohan. Dugang pa, ang naghinobrang tinguha alang sa kahayahay ang usahay mohaling sa tumang kasuko ug kapungot labina sa mga higayon nga masinati nato ang tumang kalisud ug kapakyasan.
Maningkamot apan maantigong makontento lamang ug kun nahimong sobra unta maantigo kitang mohatag ngadto kanila nga mas nagkinahanglabn oa kay kanato.