Malditang principal

Sa ka moderno sa panahon karon nga tanan tawo naa nay katakos sa pagpakaylap sa kasayoran naa pa g'yuy walay tagad kong unsa ang mahitabo kanila kong magpasulabi sa pagpakita sa dautang batasan. Sama nalang sa usa ka principal sa usa sa mga tunghaan sa Antique nga gibansagan karon nga most hated educator tungod sa iyang kamaldita nga wala sa lugar.

Tiaw mo kana nga adlaw sa graduation sa mga bata gihatagan niya og dili makalimtan regalong itom sama ka itom sa iyang batasan, gipangasab-an, gipakaulawan ang mga graduates atubangan sa mga ginikanan dihang gipahubo niini ang toga nga gisul-ob.

Naguba intawon ang espesyan nga adlaw nga gipaabot sa mga bata ug mga ginikanan nga makadawat na og deploma. Daw gibuboan og ice ang kainit sa pangindahay sa mga bata.

Ang nahitabo sa Antique posibleng nahitabo sa uban ug posibleng mahitabo nga wala masayri apan salamat sa social media karon kay napagya sa tibuok kalibotan ang pag power trip sa principal nga gahi pa sa bato ang kasingkasing ug tungod niini dali nga nakaabot sa DepEd Central Office ug giimbistigahan karon, maayo unta kon masilotan aron mahimong sanglitanan sa uban nga feeling gamhanan.

Ang ingon niini nga tawo daugdaugan bisan sa iyang mga subbordinates nga magtutudlo nga magkinto kay lisod mabikil ug dumtan sila. Dili lalim makig uban sa tawo nga pait pa sa apdo ang batasan.

Balikan nako ang nahitabo sa graduation, unta to gipatigbabaw ni ma'am principal ang iyang pagkainahan nga maluluy-on sa mga anak ug kay adlaw man kini sa mga bata gihatag nalang unta niini ang kalipay sa tanan kay sa personal niyang gibati nga natandog ang garbo ug gi-bully na hinuon niya ang mga bata ug tanan nga mga nitambong nga espesyal nga adlaw.

Lahi na ang panahon karon kong magpadala ka sa imong bating batasan pilde g'yud ka kay nakatutok tanan ang mata sa kalibutan, kong magbinuotan uwahon ka sa pagdayeg. Busa pili asa kan ka ani higala.