Dear Atty. Divine,
Duna koy pangutana labot sa Deed of Donation. Ang akong papa, tenant sa usa ka yuta.
Pagkamatay sa tag-iya gItanyagan mi og kwarta sa mga heirs kay papahawaon mi ug ang kwarta nga ihatag namo bugti sa mga natanom nga mga kahoy ug lubi sa among amahan sa ilang yuta.
Apan wa modawat si papa sa kwarta ug ang iyang gipangayo portion lang sa yuta nga among katukuran og balay so misugot ang mga heirs ug gisukdan dayon mi og 300 square meters. Apan wa mi mahatagi og Deed of Donation. Ang akong pangutana valid ba ang maong pagdonar? Daghang salamat.
Lucia
* * *
Dear Lucia,
Basi sa atong balaod, kun idonar ang real property sama sa yuta kinahanglan nga kini in writing gyud ug adunay acceptance sa gihatagan ug dapat notarized gyud aron kini mamahimong valid. Sa kaso sa imong papa, way Deed of Donation nga gipirmahan ang mga heirs so dili valid ang maong pagdonar.
Ang maayo ninyong buhaton karon mao ang pagpapahimo og Deed of Donation sa 300 square meters nga gidonar og papirmahan sa mga heirs sa maong yuta. Thank you and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.