Miluwat si Presidente Ferdinand Marcos Jr., og Executive Order nga nagmando tanan’g buhatan lakip na ang kagamhanang lokal
Miluwat si Presidente Ferdinand Marcos Jr., og Executive Order nga nagmando tanan’g buhatan lakip na ang kagamhanang lokal
sa pagsagop ug pag-implementar sa Integrated Financial Management Information System (IFMIS) sa tanan niini’ng
transaksiyon tali sa publiko sa tumong nga mapaspas ang pagpadangat sa serbisyo ngadto sa katawhan. Sistema ra gihapon ang
gitutokan sa E.O ug dili ang kinaiya sa mga trabahante sa kagamhanan nga maoy hinungdan sa kalangan. Haum ang panultihon
nga, “Ang pagka-inutil sa gobiyerno maoy bugtong nagluwas sa katawhan sa laksot nga epekto sa burukrasya sa gobyerno,”
Madahaaan!
Gobiyerno sulod sa gobiyerno
Tumong ni Presidente Ferdinand Marcos, Jr., nga makab-ot ang 97.5% rice sufficiency sa umaabot nga lima ka tuig pinaagi sa
programa nga susama sa inisyatibo nga gilunsad sa panahon sa iyang amahan, ang Masagana Rice Industry Development
Program. Mahinumduman nga adunay mga tinuod nga eksperto ug batid sa agrikultura ang nagpadagan sa kanhiay’ng programa.
Ni’ng higayona, aduna ba kaha’y kasaligan nga mopatuman sa giingon nga roadmap sa bag-ong Masagana program?
Mapangahas ang saad sa Presidente kay ingon baya ang mga nasayod, “Adunay gobyerno sulod sa gobyerno diin ang presidente
mismo walay kagahom pagkontrolar.” Fezteleern!
Wala’y kapuslanan
Gibalik na pagpatuman sa kagamhanang lokal sa Makati City ang programa niini nga libreng sine alang sa mga senior citizens.
Kabahin ang maong pribelihiyo sa gimando sa R.A. 9994 o ang “Expanded Senior Citizens Act of 2010. Apan matud pa sa
akong amigo, dili mapuslan ang ubang pribelihiyo ug diskwento nga gimando sa balaod. Sa libreng sine, hanap na ang panan-aw
ug bungol pa gyud ang sagad sa mga senior; sa mga diskwento sa restaurant, wala na sila’y gana mokaon; ug sa diskwento usab
sa mga hotel ug balay kahilayan, wala na’y kapuslanan kay mag-unsa man sad ang mga senior citizen didto? Pagkatoytoy!
“End Of Contract”
Human gideklarar sa World Health Organization (WHO) nga natapos na ang COVID-19 pandemic, gi-deactivate na sa
kagamhanan sa dakbayan sa Sugbo ang Emergency Operations Center (EOC) hinungdan nga adunay mga Job Order usab niini
nga nawad-an sa ilang trabaho. Ubos sa Local Government Code, matapos man gayod ang panginahanglan sa J.O. kon matapos
na usab ang gimbuhaton nga maoy hinungdan sa pag-hire kanila. Sa pagkataktak sa mga J.O. sa ilang trabaho, nausab ang
lintunganay sa mga letra nga EOC. Inay Emergency Operations Center, alang sa mga J.O., nagpasabot na kini nga “END OF
CONTRACT.” Fishkots!
Daghan’g nahimong kriminal
Gihangop sa mga Cebu business leaders ang House Bill 8144 kansang tumong mag-imponer og bug-at nga silot niadtong tinuyo
nga manikas sa gobyerno kabahin sa ilang bulohisan. Apan nabalaka usab sila nga gamiton ang maong balaod sa pagharass bisan
niadtong mga lehitimo nga mga negosyante. May basehan sad baya ang mga negosyante ni’ng ilang kabalaka. Morag
gihulagway sa maong balaodnon ang panultihon nga “Ang pagbuhis ug ang pagsilot sa dili mobayad niini nakahimo hinoon og
daghang kriminal kon itandi sa ubang lihok o programa sa gobyerno.” May’pag moligeed!
- Latest