Makaginhawa ang mga nanginabuhi og baboyan sa lalawigan sa Sugbo bisan pa man sa grabeng pagsulay nga nahiaguman karon tungod kay mibarug man si Governor Gwen Garcia sa pagpanalipod kanila.
Ang gihimo karon sa lalawigan sa Sugbo susama sa gihimo kaniadto sa pandemic nga wala magpagawong sa nasudnong palisiya.
Nganong isakripisyo man gyud ang mga baboy nga walay sakit iamong gyud niadtong mga dunay symptom ug wala pa gyud matataw kong ASF ba gyud ang nitakboy sa mga baboy.
Mag unsa na lang kaha ang Sugbo kong dili sama kaisog ni Garcia ang namunoan segurado daghang mga naghilak karon kay gipamatay na ang mga baboy.
Dili man kaha makadaut sa tawo ang ASF atong konsumohon na lang ang karne kay sa ipanglubong, bisan unsaon pa naa naman gyud kaha sa Sugbo ang ASF aw ato nalang i-welcome ug pahimuslan.
Anugon kaayo nga dili mapuslan, ka mahal sa feeds giutang pa ug pamatyon lang sayon-sayon.
Kong dili modawat ang ubang dapit sa baboy sa Sugbo, aw ang mga Sugboanon ang mopalit niini kana pa nga dili ta magkuwang sa pork meat, magtagbaw sa lamiang litson sa Carcar ug Talisay.
Bugtong ang Sugbo ang nakahimo sa pagsupak ug nihimo og kinaugalingon nga pamaagi aron dili makakuluoy ang mga backyard hog raisers.
Kong molampos kining pamaagiha dili lang ang mga Sugboanon ang malipay ug magpasalamat kang Gov. Gwen apil na ang ubang dapit, usa kini ka pahigmata nga dili tanan nasudnong palisiya makaayo naa usay makapordoy sa mga tawo.
Kadtong mga gipamatay ang mga baboy tungod sa ASF na-zero ASF ba sila di ba wala?
Sama sa Covid siguro kat-onan sa mga baboy ug tawo nga magpuyo nga anaa ang virus. Apan pangitaan og solusyon nga dili mograbe pinaagi sa massive vaccination kong naa na available.
Kalami sa litson sa Sugbo, hala mangaon ta!