Gugma ug kamatuoran
Pinasikad sa Juan 8:32
Dunay mga higayon nga tungod sa gugma mamahimong mabutaan ang usa ka tawo.
Tungod sa maong pagkabuta mamahimong magpakabuta bungol sa kamatuoran.
Kinahanglan nga anaa ang kamatuoran kay pinaagi sa pagdawat sa kamatuoran mas dali alang kanato ang paghiugugma.
Kay diha man gud sa pagpuyo sa bakak mamahimong dili kita gawasnon diha s atong paghigugma. Sama sa kinabuhi sa pag-ampo mahinungdanon kaayo ang kamatuoran.
Ang kamatuoran nga nagpdayag sa atong kakulangan ug kahuyangan. Nagpaila lamang kini nga diha sa atong kahuyang ang Dios molihok man sa atong kinabuhi.
Ang iyang grasya maoy motabang kanato. Ikaduha ang paghigugma diha sa kinabuhi sa pag-ampo mao man ang moganoy kanato sa pagsangpit sa Dios adlaw adlaw dili tungod kay nag-apas kita og ganti gumikan sa atong inadlaw nga effort sa pagsangpit sa Dios. Hinunoa, nagpasabot lamang kini nga kalipay nato ang pagsangpit sa Dios.
Mao nga dili mahimong papason ni buwagon ang gugma ug kamatuoran diha sa aotng kinabuhing Kristohanon ug espirituhanon.
Pag-ampo
Ginoo tuburan sa grasya ug gugma, tabangi kami sa pag-angkon nga kun wala ikaw wala kami mahimo. Ikaw ang among giya ug kalig-on himoa nga higugmaon ikaw namo sa tanang adlaw sa among kinabuhi. Amen.