Nahitabo kini gumikan ning mosunod nga mga hinungdan:
1. Bugtong ang Katolikong Simbahan ang naghupot sa mga timaan sa pagkatinukod ni Kristo. Kahiusahan, kabalaan, katoliko, ug apostolikanhon.
2. Ang kasaysayan sa Simbahan ang nagmatuod nga ang Simbahan ang milagrosong nakalahutay gumikan sa kusog ug grasya nga niatiman kaniya. Sa ato pa, ang Dios mismo maoy nanalipod ug nag-amping kaniya.
3. Ang Simbahan Diosnon ug Tawhanon.
a. Diosnon tungod kay gitukod kini ni Kristo. Busa institusyon kini nga hingpit.
b. Tawhanon tungod kay ang nagdumala kaniya mga tawo sama kanato.
Ang Santo Papa, mga obispo ug mga kaparian mga makasasala ug mahuyang apan tinabangan sa grasya sa Dios sila nahimong mga nakasugakod.
Tungod niini ang Simbahan nga tinukod ni Kristo nagkinahanglan usab pagkakabig ngadto sa kasingkasing ni Jesus ang matuod nga magbalantay.
Kamaayo unta kun moabot ang panahon nga ang Simbahan mas magkugi pa gyud aron mas modaghan ang iyang mga anak diha sa bunyag ug dili lang kutob diha sa pagkabinunyagan.
Mas modanghan pa gyud unta ang mamahimong mga santos ug balaan ning atong kapanahonan.