^

Banat Opinyon

Multa sa mga tawo nga dili mobakwit

LABTIK - Alan Domingo - Banat

Maayo kining plano sa kagamhanan sa Mandaue City nga pahamtangan og multa ang mga molupyo nga magmagahi sa pagbakwit sa panahon nga adunay masinati nga dautang panahon nga mosangpot sa grabeng pagbaha.

Tungod sa kagahi sa ulo sa mga tawo gikinahanglan gyud mohimo og lig-on nga lakang ang mga LGU aron mapasunod ang mga tawo kay sa panahon nga adunay madisgrasya ang gobiyerno ra gyud dayon ang sampiton ug basolon sa susamang higayon.

Moingon ang mga maapektohan sa himoon sa Mandaue City LGU nga grabe sad kaayo kong multahan nga nabiktima na gani sa baha pabayron pa gyud, sakit gyud hinuon apan gikinahanglan nga ipatuman ang silot tungod ug alang sa kaayohan sa mga molupyo.

Bag-o lang nasinati sa Metro Cebu area ang  baha diin nagrabrehan ang Mandaue City diin daghang mga estraktura nga gianod sa baha, maayo nalang kay walay kinabuhi nga nakalas.

Ang mga disgrasya mamahimong kalikayan kong mopatuo lang ang mga tawo kong magdaut na ang panahon otomatik na unta nga mobakwit sa mas luwas nga dapit. Dili lang ang kaluwasan sa mga molupyo kon dili ang kaluwasan sa mga rescuers kinsa nabutang sa peligro sa higayon nga sungasungon nila ang dautang panahon sama sa nahitabo didto sa Bulacan, diin lima ka mga rescuers ang namatay atol sa ilang pag duty.

Kong sa sayo pa lang daan nakabakwit na ang mga tawo, dili na kinahanglan moadto ang mga rescuers sa dapit nga peligro.

Apan gikinahanglan ba gyud nga adunay hulgang silot o multa nga ipahamtang aron seguradong mopatoo ang mga tawo? dili na gyud unta kay kita mismo mga molopyo ang nasayod na sa mga pagabuhaton aron luwas ang atong kinabuhi ug sa mga tawo nga nagsalig kanato.

Maayo unta mapadali ang pagpatuman sa silot sa mga gahi’g ulo nga mga tawo kay dili na nato maseguro ang panahon karon tungod sa epekto sa climate change dili na nato matumbok ang kahimtang sa panahon, ang mga dapit kaniadto nga dili maabot sa baha apan karon hinay nga ulan ra mobaha na.

Kong dili madala sa awhag aw silotan aron magmatngon ang mga tawo nga kanunay gisalig sa kagamhanan ang tanan apil na ang ilang mga kinabuhi.

LGU

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with