^

Banat Opinyon

Nasunggo ang hambugero

BALITAHOM - Atty. Jose Marie N. Poblete - Banat

Segun sa datos sa Department of Agriculture, nakahimo’g kadaot ang Bagyong Karding sa sektor sa agrikultura nga mokabat ngadto sa P 1.29 billion. Wala pa gani mauga ang laway sa mga politiko nga nangandak nga dili na kinahanglan moangkat ug bugas ang Pilipinas, gihugon-hugon nga adunay pagpangangkat nga pagbuhaton tungod sa maong kadaot. Dali ra kaayo nasunggo ang mga hambugero kay lagi, “Tawo ang magasugyot, Diyos ang magbuot.” Haum sa mga hambugero ang panultihon nga, “Ang kalainan sa sagbot ug sa buwak anaa ra sa ilang pangalan”. Mao vah!

Good afternoon “child”

Gipangita sa kapolisan sa nasud sa India ang usa ka magtutudlo nga giingong mibun-og sa iyang estudyante nga maoy hinungdan sa kamatayon niini tungod lang sa sayop nga spelling sa pulong “social” atol sa pasulit. Aduna gayo’y mga magtutudlo nga init ang ulo ug kulang sa pasensya sa pagtudlo. Kon masayop ang estudyante, silot dayon, apan kon magtutudlo ang masayop, magpalingog-lingog lang. Makapahinumdom sa ka maestra nga mitimbaya sa iyang mga tinun-an sa pag-ingon “Good afternoon Child.” Dali siyang gikorehi-an sa mga tinun-an nga “children” ang sakto. Miangkon si Maam sa sayop ug miingon, “Aw, sakto, “children” diay kay “past tense” na man diay karon.” Pagkatoytoy!

Pabayang amahan

Gilagdaan sa Public Attorney’s Office ug DSWD ang Memorandum of Agreement alang sa hiniusang paglutos niadtong mga pabaya nga mga amahan nga magmakuli paghatag suporta sa ilang mga anak isip kabahin sa pagpadangat sa gikinahanglang ayuda ngadto sa mga napasagdan nga mga anak. Dili kaha mahikawan na gyud sa hingpit sa kahigayonan ang amahan pag-atiman sa iyang anak kon siya taralon ug mabilanggo? Usahay adunay balido nga hinungdan ngano nga nahimulag ang amahan sa anak. Matud pa bitaw, “Ang mikagiw’ng amahan kanunay’ng sad-an, sama nga ang nagpabilin, aduna y daghang pasumangil.” Fezteleern!

Ibandelyo na, kapnan pa

Adunay milyonaryo didto sa Dubai nga nanghatag og libreng tinapay sa mga kabos nga mga migrant wokers sa maong lugar. Kay ang pagpanghatag gipaagi man sa vending machines nga gipakatap sa mga supermarket, hayan wala masayod ang nakadawat sa tinapay kon kinsa ang naghatag. Sukwahi dinhi sa Pilipinas kay maglumba man ang mga politiko pagpahulagway ug pagsibya kon manghatag sila’g hinabang bisan taliwala sa katalagman ug luyo sa kamatuoran nga kwarta sa gobyerno ang ilang gigamit. Matud pa sa akong amigo, “Di lang ibandelyo, usahay kapnan pa”. Madahaan!

Disiplina ang gikinahanglan

Mopahigayon ang kagamhanan sa Dakbayan sa Sugbo og tulo ka adlaw dry run sa kampanya nga “Oplan Disiplina” aron ma-fine tune pa ang Executive Order nga luwatan sa Mayor kabahin niini. Tumong sa “Oplan Disiplina” ang tinud-anay nga pag-implemetar sa mga balaod nunot sa tinguha ni Mayor Mike Rama nga mahisama ang Cebu City sa Singapore. Haum kining maong lakang sa pagya nga, “Kon dili ka maantigo modisiplina sa imong kaugalingon, ang gobyerno na maoy mobuhat niini kanimo”. Tagaaam!

TYPHOON

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with