Dear Atty. Divine,
Mangutana lang unta ko bahin sa akong trabaho. Pito ka tuig nako nga nagtrabaho sa company ug karong bag-o, naka absent ko sa work tungod sa problema sa akong pamilya. I sent a text message sa akong supervisor ug nananghid ko sa akong pag-absent, but wala daw niya nadawat ang akong text, busa nahulog nga nag AWOL ko for 5 days.
Gipadad-an ko og memo sa HR to explain kun nganong ako daw gi-abandon ang akong trabaho ug kun dili daw sila ma-satisfy sa akong explanation then possible daw ko nila nga i-terminate. Ang akong pangutana kun igo na ba nga kabasihan ang akong pag-absent og lima ka adlaw sa pag-terminate nako nga pito ka tuig na man ko nga nagtrabaho sa maong company? Daghang salamat. — Glenn
* * *
Dear Glenn,
Basi sa atong Labor Code, ang usa ka regular nga empleyado mamahimo lang nga i-terminate kun nakahimo niining mosunod: “(a) Serious misconduct or willful disobedience by the employee of the lawful orders of his employer or representative in connection with his work; “(b) Gross and habitual neglect by the employee of his duties; “(c) Fraud or willful breach by the employee of the trust reposed in him by his employer or duly authorized representative; “(d) Commission of a crime or offense by the employee against the person of his employer or any immediate member of his family or his duly authorized representatives; and “(e) Other causes analogous to the foregoing.”
Ang imong pag-absent nga way pananghid makonsiderar nga kalapasan sa paragraph b, apan aron kini kabasihan sa pag-terminate nimo kinahanglan nga ang imong pag-abandon sa trabaho gross and habitual, meaning nga dili lang kausa kini nimo buhata kon dili makadaghan na. Busa ang maayo nimong buhaton karon mao ang pag explain sa HR kun nganong mi absent ka ug mas maayo nga imo sab nga ilakip sa imong explanation ang screenshot sa imong text sa imong pagpananghid sa imong supervisor as proof nga nakapananghid ka. Thank you and God Bless. — Atty. Divine
Alang sa inyong pangutana, palihug lang sap ag email sa flores_divina@yahoo.com ug akong tubagon inyong pangutana pinaagi sa akong column matag Miyerkules, Sabado ug Domingo.