^

Banat Opinyon

Sinulog sa SRP

RENBOR PATROL - Rene U. Borromeo - Banat

Kay midaog man si Mayor Michael Rama sa pagka mayor sa Cebu City, sigurado na mahinayon gyud ang iyang plano nga adto sa South Road Properties (SRP) ipahigayon ang Sinulog Grand Parade karong Enero sa sunod tuig.

Suporta kaayo ko sa plano ni Mayor Rama aron nga dili na makasinati og grabeng problema sa trapiko ang Cebu City atol sa mga kalihokan sa Sinulog. Oki ra kon ang solemn procession ipahigayon gihapon sa mga karsada dinhi sa siyudad.

Ang procession sa hapon ra man na, pero ang Grand Parade kon anhi himoa sa mga dagkong karsada sa siyudad, sus, apektado ang tibuok siyudad. Busa, awhagon nako si Mayor Rama nga ipadayon ang iyang plano nga sa SRP na ang Sinulog.

* * *

Kaniadto, kanunay ko nga mag-agian diha sa T. Padilla Street ug mao nga suheto kaayo ko nianang sapa nga milagbas sa karsada.

Lawom pa kaayo ang sapa kaniadto ug mao nga kon dunay baha, makuli kaayo nga mosuyla ang tubig. Apan karon, napasiga ang akong mga mata pagkakita sa sitwasyon sa sapa.

Pwerteng mabawa na sa sapa kay ang lapok wa na man mahabwa.

Akong pahibaw-on si Vice Mayor-elect Raymond Alvin Garcia nga atol sa termino sa iyang papa, nga mayor kaniadto, dunay “excavator” nga manaog sa sapa ug mokandos sa mga lapok.

Ang excavator mora na siya og gamay nga payloader pero kadena ang ligid aron nga dili madakin-as sa mga lapok. Kandoson niya ang mga lapok ug ikarga sa naghunong nga mga trak nga naghuwat sa taytayan.

Pero guba na kuno ang maong excavator, mao nga mamalit ang siyudad, ug ang giplanohan nila kadtong gitawag og “walking excavator” nga molakaw mora’g kaka.

Tungod kay pwerte man sab nga mahala, kanunay’ng dunay panaglantugi sa City Council. Pero karon kay kadaghanan sa mga sakop sa konseho alyado man ni Mayor Rama, mora’g hapsay na ang paghimo sa mga plano alang sa kaayohan sa siyudad.

* * *

Sigurado ko nga daghan og kausaban nga ipatuman si Mayor Rama atol sa iyang administrasyon, sama sa pagpadayon sa iyang pagpalapad sa Gorordo Avenue nga ibanan og gamay ang kural sa simbahan sa Mormon.

Kaniadto giingnan ko ni Mayor Rama nga naglibog siya nga sa unahan, napalapdan man niya ang karsada kay government lot pa man, unya mikalit man og gamay ang karsada kay anaa na ang kural sa Mormon.

Plano usab ni Mayor Rama nga pagamyan ang rotunda dapit sa JY Square aron molapad ang karsada. Paabuton nato ang kalamboan.

SINULOG

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with