Dear Atty. Divine,
Duna koy pangutana labot sa kabilin sa akong stepfather, kay ang akong birth certificate siya ang nakabutang nga amahan apan dili gyud siya ang akong real father. Gamay pa ko nga nagkarelasyon sila sa akong inahan ug iya kong giisip nga matuod nga anak hinungdan nga siya ang mibarug nako nga amahan lakip na sa akong birth certificate. Ang akong pangutana kung aduna ba koy katungod nga mo- inherit kaniya? Daghang salamat.
Resty
Dear Resty,
Kun dili siya ang imong real father, wa gyud kay katungod nga mo-inherit sa iyang kabilin kay di man ka niya kadugo. Apan tungod sa birth certificate nga imong gikuptan nga siya ang nabutang nga amahan mamahimo kini nimong kabasihan sa pag-claim sa imong katungod nga mo-inherit provided nga di moreklamo ang nga heirs sa imong father. Ang husto man gud unta nga proseso mao ang pagsagup unta kanimo sa imong stepfather pinaagi gyud sa korte aron mamahimo ka niyang legitimate nga anak. Apan ang ilang gibuhat simulation of birth kay gibutang nila ang dili tinuod nimong amahan sa imong birth certificate ug usa kana ka kalapasan sa balaod. Hinuon kun ang mga heirs sa imong stepdad dili ra moreklamo nga mo claim ka sa imong share then pwede ra kini nimong buhaton apan kun mo-question sila then wa gyud kay mahimo. Thank you and Gid bless. — Atty. Divine
Alang sa inyong pangutana, palihug lang pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.