_banat
^

Banat Opinyon

Daghan ang magduda

RENBOR PATROL - Rene U. Borromeo - Banat

Dunay karo’y tabi-tabi nga si Melvin Matibag nga maoy secretary general sa PDP-Laban maoy kuno ang itudlo ni Presidente Duterte nga bag-ong chairman sa Commission on Elections.

Moretiro na man gud sa serbisyo karong Pebrero ang chairman sa Comelec nga si Sheriff Abas, ug ang mga huhungihong mao nga si Matibag maoy ipuli.

Gawas nga mahiubos ang mga commissioners karon sa Comelec nga nagpaabot nga sila ang matudlo sa pwesto, dili gyud kalikayan nga magduda ang katawhan kay nagsingabot baya ang eleksyon.

Apan kinsa man ang makabuot ni Presidente Duterte kon iya kini nga himoon? Hinoon, ang mga politiko kinahanglang magbantay gyud pag-ayo.

* * *

Para nako, angay’ng idili gyud ang pagpahigayon og motorkada sa mga dumadapig sa mga politiko.

Ngano man? Makapasamot kini sa traffic. Buyno, kon magmotorkada sila apan kinahanglan nga motuman sila sa traffic light.

Kon maabtan sila sa STOP signal, mohunong gyud sila ug kadtong nag-una kanila kinahanglan nga mopadayon sa pagdagan.

Kay kon tugotan nga way putol ang mga sakyanan nga mokuyog sa motorkada, unya salmotan kini sa mga 200 ka sakyanan, unsay mahitabo?

Sama niadtong motorkada sa mga dumadapig ni Vice President Leni Robredo, miabot kuno og 200 ang nanguyog.

Angay’ng tun-an kini pag-ayo sa kadagkoan sa Cebu City Transportation Office. Ang maayo nga himoon sa mga kandidato mao ang pagpakusog sa ilang propaganda pinaagi sa laing paagi nga dili makamugna’g traffic.

Sama nianang magpa-interview sila sa mga radyo, kana, dili gyud sila makahatag og problema sa trapiko  nga makapasuko na hinuon unya sa katawhan.

* * *

Dunay miingon nga dili gyud kuno tininuod nga si Senador Bong Go gusto nga mag-vice president. Sa sinugdanan, mao sab na ang akong pagtuo.

Apan sa paniid nako ning milabay’ng mga buwan, way hunong si Bong Go nga misuroy sa lainlaing dapit sa nasud ug mirepresentar ni Presidente Duterte.

Kanunay siya nga nanghatag og mga serbisyo sa katawhan sa mga dapit nga iyang giadtoan, Luzon, Visayas ug Mindanao. Akong gianinaw pag-ayo, angayan si Bong Go sa mga executive job.

Ilabi na kon ang serbisyo mao ang pag-atiman sa maayong panglawas, sensiro kaayo si Bong Go niini. Ako mismo personal nga naka-avail sa iyang tabang.

Executive assistant pa si Bong Go kaniadto ni (Davao City Mayor) Rodrigo Duterte nga natabangan niya ang akong igsuon nga na-admit sa ospital sa Davao.

Dili malalis nga maayo si Bong Go sa mga serbisyo pag-atiman sa panglawas sa katawhan. Ambot kon makit-an ba kaha ni sa mahimong sunod nga presidente.

PDP-LABAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with