_banat
^

Banat Opinyon

Kontrata sa basura

LINTUNGANAY - Fred Languido - Banat

Unsay interest nilang city administrator Floro Casas Jr. ug Department of Public Services (DPS) chief Jigo Dacua nganong labihan nilang nakadupa sa pribadong hauler sa basura dinhi sa dakbayan?

Taliwa sa mga kalapasan nga nahimo sa DOCAST sa iyang kontrata uban sa dakbayan, buot nilang Casas ug Dacua nga magpabilin ni isip private hauler sa basura.

Wala kunoy igo nga rason aron putlon sa dakbayan ang kontrata niini paghakot sa mga basura.

Kini bisan sa memorandum nga giluwatan ni Bise Mayor Michael Rama dihang siya nagsilbing acting mayor diin iyang gitagsa-tagsa ang mga kalapasan nga nahimo sa DOCAST sa iyang kontrata.

Pipila sa mga gilista ni Rama nga kalapasan sa DOCAST mao ang kapakyas niini paghatag og luna nga magsilbing motorpol.

Diha sa iyang kontrata, ang DOCAST obligado sab nga mo-deploy ug 50 ka dump truck aron mohakot sa basura. Apan sigun sa bise mayor labing minus 13 lang ka dump truck ang gipadagan sa kontraktor.

Wa say klarong monitoring ang volume sa basura nga moabot sa transfer station tungod sa kapakyas niini pagbutang og weighing facility nga apil sa kondisyon sa iyang kontrata.

Sumala ni Rama nga ang maong mga kalapasan sa kondisyon diha sa iyang kontrata igo na nga rason aron putlon sa dakbayan ang serbisyo sa DOCAST.

Pero lahi ang baruganan nilang Casas ug Dacua. Wala bay laing kompaniya nga dunay igong katakos paghakot sa basura?

Kun wa diay klarong weighing facility ang kontraktor, giunsa pag-ihap ang gidaghanon sa basura nga ilang nahakot nga maoy basihan sa kwentada pilay bayranan sa dakbayan? Ila rang gibana-bana?

Dili ba alkansi ang dakbayan niining maong sitwasyon? Dili kaha mao ni hinungdan nganong ang P404 milyones nga budget paghakot sa basura karong tuiga P107 milyones nalay nahabilin?

Angayang susihon ni sa mga sakop sa konseho giunsa paggasto ang pundo sa basura.

Unang angayang buhaton sa konseho mao ang pagkuha sa record sa landfill didto sa Binaliw aron masuta ang gidaghanon sa basura nga nalabay sa dakbayan.

Sunod nga buhaton mao ang pagkuha sab sa record sa DOCAST aron itandi motakdo ba ang volume sa aktwal nga nalabay ug sa iyang billing ngadto sa dakbayan sa Sugbo.

Pinaagi niini masuta wala bay tinunto sa paggamit sa pundo paghakot sa basura sa dakbayan.

DPS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with