^
EDITORYAL - Sayon rang manghunaw

EDITORYAL - Sayon rang manghunaw

Edwin Ian Melecio (Banat) - April 22, 2021 - 12:00am

Pagkasayon lang para sa mga opisyales sa gobiyerno nga mamasangil sa media nga sayop ang pagsabot sa ilang pamahayag human nga nisumbalik kanila ang ilang gipamuhiang estorya.

Ning bag-o lang,naputos sa pagsaway si DILG Undersecretary Martin Diño human kini namahayag nga ang mga community pantries nga nanghatag og libreng inadlaw-adlaw nga panginahanglan sa mga tawo kinahanglang molukat og permit gikan sa barangay o ba kaha sa mayor.

Matud niya kinahanglan kini aron masunod ang mga health protocols. Sa report sa Philstar.com,  atol sa interbyu sa ANC kang Diño, matud niya nga kinahanglang magkuha og permits sa barangay o sa mayor ang mga mag-organisar og community pantries.

Apan dili lang kadto ang problema sa mga organizers, kay dunay mga report nga gi-red tag ug gipaubos sila sa profiling sa mga otoridad nga daw sama og gidudahan silang mga supporter sa walhong pundok. Ang mga netizens dali kaayong nisaway sa gobiyerno ug kang Diño.

Kinsa may malipay nga karong panahon sa pandemiya dako na kaayo og tabang sa mga kabus nga pamilya ang libreng pagkaon ug ubang panginahanglan.

Maayo nalang nga giklaro kini sa Palasyo tungod kay wala kinahanglana sa mga tawo karon ang dugang hunahunaon tungatunga niining pandemiya sa COVID-19. Panahon karon sa pagsinabtanay ug pagtinabangay aron ang tanan molahutay hangtud nga mabuntog ang pandemiya.

Apan aron maibanan ang kalisdanan sa katawhan mas maayong usa ray musika nga sayawon sa tanan,apan kanang tukar nga haom para sa tanan.

Bati paminawon nga bisan mga opisyal sa gobiyerno wala magkasinabot unya kun dunay sayop ang basulon ang media. Apan kun duna silay gustong ipahibalo sa katawhan magpatawag og media. Nganong modawat sab sila sa imbitasyon sa media kun dili man diay kasaligan?

Dako og papel ang media sa katilingban, dili kini perpekto apan giampingan sa matag media outlets ang ilang kredibilidad ug dili mahitabong manghunaw sa kasaypanan.

Mobalita base sa mga impormasyong makaylap gikan sa nagkadaiyang kasaligang tinubdan,kasagaran naa sa gobiyerno, makauyon man o dili ang gihisgotang tawo o panghitabo mahibaw-an kini sa mga tawo.

MARTIN DIñO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with