^

Ikapitong Pulong

MGA LAMAS SA KINABUHI - Fr. Rey Cui (Banat) - April 7, 2021 - 12:00am

Amahan sa Imong mga Kamot

Itugyan ko ang Akong Kalag

Gisugdan nato ang panahon sa kwaresma pinaagi sa Miyerkoles sa Badlis. Ning tungora daghan na pud ang nagpabadlis. Ning maong pamaagi daghanan nato ang nahimong gipahinumdoman ning mosunod:

1.  Sa abog ta gikan ug sa abog kita pauli. Ang ngalan nga Adan gikan man sa pulong adama nga nagpasabut og yuta. Hinimo siya gikan niini ug gitikad siya niini. Kini ang nagpahigmata kanato nga kitang tanan kandidato sa kamatayon. Kitang tanan mangamatay gayud.

2.  Paghinulsol ug tuo sa ebanghelyo. Ang sala maoy nakapalayo nato gikan sa Dios ug ang pagbuhat sa ingon mao man ang nakapahimo natong maglisud diha sa pagtambong sa talad kan-anan diin atong gihandum ang kamatayon ni Kristo sa Krus aron kita mapasaylo. Ang sala maoy nagdala og kamatayon.

3.  Pagtuo nga human sa kalisdanan ug kalbaryo nga atong nasinati anaa gihapoy kahulogan ang kinabuhi. Nga bisan pa man kun kita naglisod ang maong kalisdanan dunay katilingbanong bili kun atong ihalad usab kini alang sa uban. Human sa kamatayon anaa ang kinabuhing dayon.

Kun buot hunahunaon ang kamatayon usa man ka biological fact but at the same time final developmental task a person has to face. Biological fact kay adto kita padulong ug dili gyud kita makapugong. Final developmental task tungod kay kinahanglanon kaayo nato ang pag condition sa atong hunahuna nga adto kita padulong.

Si Doctor John Izzo sa iyang libro 5 Secrets you must discover before you die nagtudlo kanato:

1.  Be true to yourself. Ang pagkamatinud-anon mao man ang magdala kanato sa kagawasan. Mahimong mabakakan nato ang uban apan dili ang atong kaugalingon.

2.  Live a life without regret. Kini tungod kay ang pagmahay makamatay. Aron dili ta magmahay atong subayon ang dalan nga alang gyud nato ug dili nato subayon ang dalan nga mahimong i-impose sa uban alang kanato.

3.  Live a life of love. Malisud ang paghigugma labina kun imo lamang kining gipasibo sa imong gibati. Ang gugma usa man ka desisyon.

4.  Live the present moment. Usahay nahikalimot kita paghimo og maayo sa kasamtangan tungod kay hadlok kita sa umaabot ug nabilanggo kita sa kagahapon.

5.  Give more than you receive. Ang paghatag maoy pagpadayag sa atong pagpasalamat. Malipay ang Dios kun atong ipaambit ang bisan unsa nga iyang gihatag kanato. Ang best part nga atong mahatag mao man ang atong panahon. ang salapi ug bahandi mahimong Makita apan ang panahon mahimong dili na mabalik.

Busa angayan natong himoon kining mosunod:

1.  Ampo sa kanunay ug sa walay hunong kay wala kita masayud sa panahon ug takna sa atong kamatayon.

2.  Sakripisyo labina gyud sa pagpitol sa atong tawhanong kahilig kay mag-unsa naman lang kun mas molabaw ang atong dautang mga binuhatan kaysa maayo. Dili ba ulaw ang pakig-atubang sa Ginoo?

3.  Hatag diha sa pagpaambit sa bisan unsa nga giisip natong mahinungdanon aron malipay ta ug malipay usab ang ubang mga tawo. Kay ang kalisdanan ug pagsakripisyo dili man usa ka dakong tunglo kondili usa man kini ka kasinatian sa paghingpit kanato.

Pag-ampo

Ginoo, tuburan sa kinabuhi. Ingon nga tawo nakita namo ang among nagkaduol nga kamatayon. Unta ayaw itugot nga mahilayo kami kanimo. Ug kun sa higayon nga kami mamatay na, ayaw tugoti nga mahilayo kami kanimo ang tuboran sa grasya ug kinabuhi. Kanimo o Amahan among gitugyan ang among Espiritu!

KWARESMA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with