^

Biyuda nakaduha, maayo ba?

JAV BANATI - Javier Yntig Tapulado (Banat) - January 6, 2021 - 12:00am

May edarang biyuda, mga anak pulos na dagko ug midasig niyang magminyo pag-usab. Pero hadlok siya nga makabana’g maldito, puli sa namatay niyang bana nga iyang gihulagwayng buotan kuno kaayo.

Total, kontento na siya sa gilumpong niyang duha ka batan-ong uyab, kinsa pulos mihatag niyag lawasnong katagbawan. Unya parehong inlab kaayo niya. Mas lamian siya sa maong kahimtang nga pabiling gawasnon ug buhong pirme sa sex. Nagpatambag siya kon husto ba iyang gibuhat?

Ania akong tubag base sa Mateo 5:27-28: “Nakadungog na mo nga ginaingon: ‘Ayaw pagpanapaw.’ Apan sultian tamo, ang motan-aw sa babaye aron pagtagbaw sa iyang ulag, sa kasingkasing nakapanapaw na.”

Dinhi gipasabot, nga sanglit kitang tanan iyaha sa Ginoo, mananghid gyod ug mangayog bendisyon gikan Niya pinaagi sa Sakramento sa Kasal, ayha ta mobuhat niining butanga. Dinhi klarong gitumbok, nga gidili gayod sa atong Magbubuhat ang pre-marital sex.

Busa, kon ang lalaking nagtan-aw lang sa babaye aron pagtagbaw sa iyang ulag nakapanapaw na, unsa na kaha ang babayeng biyuda, kinsa malipayong mitugyan sa iyang lawas ngadto sa duha ka lalaki nga wala moagi sa altar sa kaminyoon?

Gani sa Mateo 22:25, dinhay ginang, kinsa kapito mabiyuda nga kapito sab pangasaw-a sa pito ka lalaking magsuon. Pero, una siya nakighilawas, gipakaslan gyod siya sa matag usa kanila agig pagtuman sa kabubut-on sa atong Ginoo. One at a time in a right time ang iyang gisunod. Ug dili two in a wrong time. Bag-o na usab ang numero sa tuig sa atong kalendaryo. 2021 na. Mibiya ang tuig 2020 nga nagbilin natog ubay-ubay nga pagtulon-an sa atong kinabuhi human kita kuhita sa Ginoo nga gipaagi lang Niyag pagpabutho sa makalilisang COVID-19 aron kita makaamgo sa nabuhat tang kasal-anan. Ang pre-marital sex, usa ka dakong sala sa pagpanapaw. Diin ang gipanapawan, mao mismo ang Ginoo, ang tag-iya sa atong kinabuhi.  Kutob sa mibuhat niini, sama ra nga mikontra-palayo Kaniya. Ug kon simbako mamatay, mahisama lamang unya kini sa dahong mibulag sa bagon, malarag ug itambog sa hudnohan. Hinaut unta, nga kining biblikanhong pamahayag makahatag og landag sa biyuda, kinsa nakabatog duha ka boyfriend ug nagpatambag kon maayo ba iyang gipiling matang sa kalipay?

BIYUDA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with