^

Komedya

LINTUNGANAY - Fred Languido (Banat) - December 20, 2020 - 12:00am

Normal ni bisan kinsa ang pagkomedya. Makatabang ni aron pagpagaan sa gibating kasubo o siluran nga giatubang sa usa kantawo.

Kun makadungog ka og komedya, bisan unsa kalisod sa imong kahimtang daw bation ka og dyutay’ng kahupay labi na og ang komedya makaaghat kanimo sa pagkatawa o ba kaha hinuon pagbahakhak.

Usahay kun duna tay problema, atong ipaagi og mga komedya aron paglingaw sa atong kaugalingon.

Apan dunay mga butang nga dili angayang himoong komedya. Kini tungod kay posibling moresulta sa mas seryosong problema ug ba kaha disgrasya.

Sama sa gihimo sa kapolisan nga pagpanghatag og regalo nga ilang gipaagi og komedya.

Ang ilang ipaagi og drama nga kuno dakponon ang usa ka tawo ug nga duna silay warrant batok niini.

Ilang dad-on sa nagpaabot nilang sakyanan ug didto ilang daygonan ug hatagan og regalo.

Dili ni lalim ang maong komedya. Delikado ni og matumong nga dunay balatian ang ilang buhatan sa ingon.

Kun simbako dunay sakit sa kasing-kasing o ba kaha taas ang presyon sa dugo, delikado nga atakihon nga mahimong hinungdan sa kamatayon.

Dili lalim ang bation sa tawo nga magtuo nga paingon na siyang prisohon.

Niadtong nagtungha pa ko sa kolehiyo nakasinati ko sa susamang komedya.

Reporter na ko sa dyLA samtang nagtungha sa kolehiyo. Ang akong news director niadto nga si Rene Borromeo ug ang kauban nakong reporter nga si Oscar Pineda nagkasabot nga ila kong kumedyahan.

Usa ka adlaw pag-abot nako sa newsroom, gisultian ko sa akong news director nga dunay warrant alang nako tungod sa kasong libel.

Pagtan-aw nako sa bulletin board, diha tinuoy kopya sa warrant of arrest gikan sa korte.

Wala gyud ko nila paulii sa maong komedya hangtud nga ako na mismo ang nakamatikod tungod sa ngalan sa huwis nga mipirma sa warrant.

Apan nilabay una ang pipila ka adlaw usa nako madiskubrehi ug una sila miangkon sa ilang komedya.

Sulod sa mga adlaw nga nagtuo ko nga dakponon tungod sa warrant nga ilang binuhat, dili ko mahimutang ug apektado ang akong trabaho ug pag-eskwela.

Busa angayang hunongon sa kapolisan ang maong paagi da pagpanghatag og pinaskuhan.

Wala kinahanglana ang drama aron himuon ang pagpanghatag og gasa.

KOMEDYA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with