^

Banat Opinyon

Sa dihang mag-abot ang Saturn ug Jupiter

MGA LAMAS SA KINABUHI Pagpamalandong alang sa Malangkubong Kaayohan Hinikay - Reynaldo T. Cui - Banat

Karong umaabot Disyembre 21, 2020 usa ka talagsaong panghitabo ang mahitabo didto sa kawanangan. Kini mao ang panagtupad kun alignment sa mga planetang Saturn ug Jupiter, ang susamang panghitabo nga nahitabo niadtong Pasko nga gipahimugso ang Emmanuel kun ang Dios nga nagpakatawo. Butang man tuod kini nga pangandoyon kay usa man kini ka talagsaong kasinatian kay lagi mahitabo man kini matag 800 ka mga tuig una mobalik. Ingon ini gyud ka misteryoso ang kinabuhi diha sa uniberso.

Ang maong panagtagbo sa duruha ka mga planeta maoy nakapahimugso sa Christmas Star. Ang bitoon nga gilantaw ingon nga giya sa mga maalamon sa ilang pagpangita sa Mesiyas. Ang bitoon maoy ilang lamdag sa ilang panaw padulong sa dapit sa nga nahimutangan sa ilang giisip nga tinuod nga kahayag ug tinuod nga hari inga walay lain kondili ang atong Ginoong Jesus ang hari sa tanang mga hari.

Sa atong pagpuyo ning kalibotana, dunay mga higayon nga anaa kita sa mga kangitngit. Kangitngit nga resultado sa atong pagkahisalaag. Kangitngit kay kita mismo nibuot man nga mahisalaag gumikan sa panagkaugalingong tinguha ug dili ang kinatibuk-ang kaayohan sa kadaghanan.

Mangitngit ang atong panaw karong mga gutloa sa atong kinabuhi gumikan ning dakong pandemiya nga nahitabo kanato. Kining maong hitabo maoy nakapatukmod kanato diha sa usa ka mahilumong pagbakho ug pagdangoyngoy. Nidangoyngoy kita sanglit ang kalibotan ingon man ang katawhan nagdumili man sa pagsabot sa atong kahimtang. Ila kang gisud-ong segun sa imong mahimo ug dili segun sa imong pagkatawo. Ila kitang gisud-ong segun sa atong kahimtang ug dili sa atong kasingkasing.

Ingon ang matag tawo karong mga panahona, puno kaayo sa mga pagpaaron. Daghan ang nahimong masudyaon nganha kanimo kay lagi nakita man nila nganha kanimo ang imong kahuyangan ug ang imong kamasalaypon. Ingon ini ang kalibutan karon.

Balik sa planetary alignment. Kun kaniadto kini maoy tilimad-on sa pagkahimugso sa Mesiyas apan ang maong balik nga panagtagbo ambot kun kinsa ba kaha ang gipahimugso? Dili ba kaha ang gipahimugso niini mao na ang anti-Kristo? Padayon kita sa pag-ampo ug padayon gihapon kita sa pag-amping ning panahon sa dakong kalisdanan.

CHRISTMAS

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with