Misa de Gallo, dili kaha mapahigayon?

LABTIK - Alan Domingo (Banat) - November 25, 2020 - 12:00am

Kong nahimo nga sirad-an ang mga menteryo niadtong Kalagkalag, nganong dili man mahimo nga ipadaplin lang una ang pagpahigayon sa naandan nga Misa de Gallo niining panahon sa pandemic?

Pipila ka adlaw nalang ang gipaabot Pasko na gyud ug usa sa giatangan mao ang pagkompleto sa Nine Mornings o Misa de Gallo nga nabatasan na natong mga Pinoy. Apan madayon kaha kini?

Sa akong pangagpas dili gyud kini mahitabo karong tuiga sama sa unang higayon nga gipangsirad-an ang mga sam-ang atol sa Kalagkalag tungod kay dagsaan man gyud kini sa mga tawo, dili lang duha ka adlaw kon dili siyam ka adlaw.

Moingon ang uban nga ok ra nga ipadayon basta maintain lang sa health protocols, maayo lang na sa pulong apan sa buhat walay ayo kay malimot na ang mga tawo.

Seguro panahon sa misa mopatuo pa ang mga tawo ilabi na kon naay mga pulis nga magbantay. Apan inig kahuman na sa misa magkatibolaag naman ang mga tawo, ang uban mamainit og puto ug sikwati samtang gipangtangtang ang mga facemask kay mangaon gyud, pakapinan dayon sa pagpanglibak este pag-estorya sa usag usa. Aw, wala na ang COVID-19 mikuyanap na.

Gawas pa ang misa natunong pa man sa curfew hours, gikinahanglan pa nga amendahon ang lagda sa IATF ug ang local curfew ordinance aron matigayon gyud ang simbang gabi.

Karon pa lang imposible pa kining mahitabo busa makaingon nga walay mahitabo nga Misa de Gallo karong tuiga.

Hinuon pangagpas lang kini, aw basin i-move lang ang oras sa misa nga imbis kaadlawon himoon lang kini ining ka human sa oras sa curfew.

Ang tanan mag-agad lang gyud sa gimbut-an sa IATF, bisan gusto sa simbahan nga himoon apan wala silay mahimo kon dili pagsunod sa gimbut-an sa balaod.

Gidili man gani ang pagpanaygon, party ug ubang mga tapoktapok, kini pa kaha nga seguradong tapok-an gyud sa mga manimbahay.

Asa ra man unya ni kong makalabang na kita niining hagit karon mugna sa COVID-19 pandemic.

MISA DE GALLO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with