Learning modules kaayo
JAV BANATI - Javier Yntig Tapulado (Banat) - October 26, 2020 - 12:00am

Bug-at Saludo ko sa mga magtutudlo nga bisan sa kalayo sa dapit nga gigikanan sa mga learning modules, ilang gilukdo ang kabug-at niini latas-ubog sa taga dughang suba o sapa aron ihatod kining bag-ong pamaagi sa pagtudlo ngadto sa nagkalailaing balay sa ilang mga tinun-an.

Baha, ulan o lapok ilang giantos. Matag usa may iya-iyang kasinatian giunsa pag-asdang ang kapintas sa COVID-19 nga gustong mopugong sa edukasiyon sa tanang kabataan.

Pipila kanila gilakaw lamang ang tungasong bukid dala ang mga learning module. Ug may pipila, nga nataptag COVID-19 gumikan sa ilang pagpaningkamot nga madeliber ang mga kahimanan nga makatabang sa mga bata paghatod kanila ngadto sa mahayag nga kaugmanon.

Ang problema, kay pag-abot ngadto sa mga balay, labi nag payag, maglisod intawon ang mga pobreng ginikanan pagsabot unsa ang anaa sulod sa learning modules sanglit ang asawa elementariya ra kutob ang nakab-ot samtang ang bana, kutob ra hayskol.

Unya, ang gisaligan, panrabaho ra sa konstruksiyon. Kondili molihok, walay ipakaon sa mga anak.

Hinuon, may mga magtutudlo, kinsa mipasalig nga andam motabang niadtong mga ginikanan nga naglisod pagsabot ug wala gyoy nasabtan sa gipanghatag nga learning modules.

Si DepEd Mandaue City Superintendent Dr. Nimfa Bongo misaad nga ilang buhaton ang kutob sa unsay tabang nga ilang mahimo agig tubag ning maong suliran.

Kaya kaha ang panon sa mga ginikanan nga magdungan pagpangayo kanilag tabang? Sagad sa mga anak og kabos, wala bayay selpon nga pahidpahid. Kutob ra intawon sa selpong pislitpislit.

Suwerte, kadtong mga pobreng bata, kinsa nahatagag libreng tablet sa mga manggiluy-ong adunahan.

Pero, kinabag-an kanila, hangtod karon wala pay android cellphone o tablet. Busa, pabiling walay magamit alang sa on-line communication.

Daghang bata nga kanhi gikan sa pribadong tunghaan ang namalhin sa pangpubliko. Ilang parents nakasinati man ganig kalisod paggiya sa bata, gamit ang learning modules, unsa na kaha ang mga ginikanan nga walay klarong edukasiyon ug trabaho?

Minilyong estudyante ang wala makatungha ning tuiga. Daghang ginikanan ang mipakasama sa learning modules nga less effective, more expensive and much time-consuming para sa parents.

Busa, gipakasama nila kining usa ka dakong balabag nga bug-at kaayong pas-anon. Ug mabasol ba sila sa nakab-ot nilang hukom?

MODULE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with