Anachorites
MGA LAMAS SA KINABUHI - Fr. Rey Cui (Banat) - October 19, 2020 - 12:00am

Fascinated kaayo ko sa Monastic Life apan dili ko Monghe. Dunay segment kaniadto nga naghisgot sa anachorites. Kasagaran nila mga anak og dato niadtong panahon sa medieval times nga mibuot nga magpabilanggo sa usa ka gamay nga lawak dapit sa simbahan aron didto sa sulod sila mag-ampo sa hangtod.

Dili sila mahimong mogawas na ug gani giisip silang patay na. Kasagaran sa mga inilang mga tawo ang nitahod kanila ug mangayo sa ilang mga tambag isip mga espiritohanong giya alang sa kinabag-an nga niisip sa ilang kaugalingon ingon nga mga huyang ug masalaypon.

Kinabuhi sa penitensiya ug kinabuhi sa pagsakripisyo maoy mohulagway ning kinabuhi sa anachorites. Sa laktod nga pagkasulti ang ilang kinabuhi ilang gisabot ingon nga kinabuhi nga binilanggo diha ni Cristo kay ang ilang panahon, ila mang gigahin sa pag-ampo ug pagpenitensiya.

Apan ambot lang kun mamahimo pa ba kining applicable karong mga panahona. Ning panahon sa dakong kasayon daw nahimong ihalas ang kadaghanan kanato sa pulong sakripisyo. Ang sakripisyo alang kanato usa man ka dakong balighot sa atong kinabuhi.

Kay alang kanato kinahanglang sayon, lami ug dali gyud kini. Ang resulta tungod sa kaanad nga mahitabo kini sa atong inadlaw nga kinabuhi malisud naman nuon ang pagharong sa pag-antos. Mao nga sa dihang niabot ang pandemiya daghan gyud tawon dako uyamot ang naaborido. Naaborido tungod ning mga hitaboa ug gani ang uban nibuot man nga magpakamatay na lang dili tungod kay dili na sila ganahan mabuhi kondili tungod kay buot silang moikyas sa bisan unsang kasakitan ug kalisdanan.

Sa laing bahin, daghanan nato ang nahimong mga binilanggo bisan walay rehas nga kanato nagpalibot. Ang atong dili makiangayong hilig sa mga butang kalibotanon maoy nakapahimo natong mga binilanggo sa pagkab-ot sa tinud-anay nga kalipay aron kita magpakabuhi gyud unta sa tinud-anay.

Kay ang kalipay sa Dios mao nga makita niya ang iyang mga anak nga mabuhi sa kinabuhing makabuhi gayud. Nahigmata gikan sa akong pagkahinanok.

Kun sa nilabay gitudloan kita sa Ikigai sa paghimo sa bisan unsa nga makapalipay kanato, ang maong matang sa pagkinabuhi nagtudlo usab nato sa paghimo og bisan unsa nga makatubag sa panginahanglan sa kalibutan. Kay lagi ang atong gihunahuna mao raman ang atong kaugalingong mga panginahanglan nahikalimot kita nga ang uban mismo dunay panginahanglan.

Ang kasinatian sa mga anachorites, bisan pa man kun alang nato daw halayo sa naandang kutay sa tawhanong mga kalihokan, sugo sa ilang kaugalingong kabubut-on nga ilang gitalikdan ang kahayahay ug gitadlas ang dalan nga lahi ra kaayo sa naandan tungod sa gugma nga gipataban. Mahimong werdo man tuod sila alang sa kadaghanan apan gihigugma sila sa Dios nga gamhanan nga maoy tuboran sa tanang kasantos ug kaayo ning kalibotan.

LIFE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with