^

Buliyaso sa modules

SAKSAK SINAGOL - Lucky Malicay (Banat) - October 12, 2020 - 12:00am

Hapsay ang pagsugod sa tingklase sa pangpublikong tulonghaan sa tibuok nasud sa niaging semana ilalum niining “new normal” bisan pa niining coronavirus disease pandemic. Kini ang gibutyag sa kadagkoan sa Department of Education.

Expected nato kana nga mahitabo sulod niining bag-ong sistema. Kay lagi sa online ug modular learning system man ipaagi ang tanan, mingaw karon ang mga classroom tungod sa implementasyon sa social distancing protocol nunot niining COVID-19.

Apan naunsa ba nga mitumaw man sa social media karon ang mga hulagways sa daghang sayop sa mga module alang sa mga estudiyante sa public schools. Nahimo na hinuon nga kataw-anan kining maong sistema, ilabina sa ubang mga netizens kinsa padayong mipahit sa kagamhanan sa kakulang kuno sa kaandam niini pagpadagan sa bag-ong sistema.

Kinsa ang angay nga manubag niining maong kontrobersiya? Ang mga magtutudlo ba? Kun sila ang gitahasan sa pagpreparar sa maong mga module, wala ba diay screening nga gihimo niini aron malikayan ang mga sayop?

Ang problema niini mao ang kahilaw sa ubang mga module nga gipang-distribute ngadto sa mga estudiyante. Kini miresulta na hinuon sa dakong kontrobersiya ug mga bugalbugal sa social media tungod lagi sa mga sayop.

Taliwala niining dakong kontrobersiya sa mga sayop nga napatik sa mga module, mora’g insakto ang pangagpas sa uban nga motiurok gayud ang kalidad sa pagtuon karong tuiga ubos niining distance learning system.        

Hinuon miadmiter ang DepEd sa mga sayop sa module. Dili kuno kini kalikayan. Si DepEd Regional Director Salustiano Jimenez mihangyo sa matag usa nga imbis panghimarauton, angay lamang nga tabangan ang atong mga magtutudlo aron mapalig-on pa kining maong sistema.

Insakto si Jimenez sa iyang panawagan. Kay imbis bugalbugalan sa social media, angay lamang nga suportahan ang atong mga magtutudlo ug ang departamento sa edukasyon niining dakong paningkamot nga mapatunhay ang maayong kalidad sa pagtuon bisan pa man ning padayong problema sa pandemic.

MODULES
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with