Di ko makatulog
MGA LAMAS SA KINABUHI - Fr. Rey Cui (Banat) - September 15, 2020 - 12:00am

Usa sa mga batan-on nga akong higala ang nitug-an nga malisud alang kaniya ang pagkatulog niadtong gabhiona.

Kini tungod kay wala gyud mawala sa iyang hunahuna ang salida nga iyang gitan-aw dili pa lang dugay.

Nitan-aw man gud sila og horror movie mao nga natanom sa iyang alimpatakan ang mga esena sa maong pelikula.

Kun paladman nato ang maong kasinatian dunay mas nagpahipi nga halawom nga hinungdan.

Kini dunay dakong kalambigitan sa atong kinabuhi kuyog sa mga significant others sa atong kinabuhi.

Kun maghisgot kita og mga significant others kuyog niini ang atong mga ginikanan, apohan, uyoan o iyaan.

Sila ang mga tawo nga mahimong mohulma kanato for the better or for the worst.

Ingon ana ka delikado ug kamahinungdanon ang ilang tahas ingon nga atong mga significant others.

Apan kay lagi bunga pud sa ilang tagsa tagsa ka mga gambalay sa pag-umol mahimong ilang mapasa kanato ang ilang bati nga kasinatian.

Ingon ana kita ka vulnerable kun kining mga butanga na ang hisgotan.

Bisan asang kultura anaa gyud ang mga sulugilanon kalabot sa mga ungo, kapre, engkanto ug mga demonyo. Bisan asa nahimo silang kontrabida sa atong panaw sa pagtuo.

Nahimong ma impluwensiya nila ang atong kinabuhi ug ang atong inadlaw adlaw nga pagpuyo. Mao nga ang atong mga katigulangan nihimo og mga anting-anting aron sa ingon abugon kining mga dautang espiritu nga maghasi kanila.

Hinuon angayan natong sud-ongon kining maong mga kamatuoran ginamit ang mga mata sa pagtuo. Kay bisan pag unsaon paglambo sa natad sa teknolohiya padayong buhi sa atong sistema ang atong dakong kalambigitan sa kinabuhi sa mga espiritu.

Mao nga ako siyang giingnan nga sa sunod ayaw na og tan-aw ning mga butanga kun dili ka andam ug tagana nga mosud-ong sa mga eksena.

Gani sa uban nga dili kaagwanta mahimong masudlan og dili maayong mga espiritu segun sa salida nga ilang natan-aw.

Gamhanan ang salida kay may subliminal messages kini siya. Ning paagiha mamahimong mas abli ang si bisan kinsang dunay problema nang daan psycho emotionally sa posibleng kahikurat ug kalisang nga mahimong mahatag sa maong pasundayag diha sa iyang personal nga pakigbisog batok sa mga ungo sa iyang kinabuhi.

Dugang nako siyang giingnan nga kun mahimo pag-ampo gyud sa dili ka pa matulog aron sa ingon mamahimong imong masinati ang espirituhanong seguridad uban sa Dios.

Kalit lang ko nga nahapugwat samtang nag scroll ko sa akong cellphone anaa man diay didto ang teaser sa salidang Veronica! Unsaon!

HIGALA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with