Headline kini atong gikutlo verbatim gikan sa Internet. Of course daghan na ang nahibawo niini kay nabaniug na kini sa tibuok kalibutan. Dinhi sa ato, nabalikbalik na kini paghisgot ug pagtuki sa mga estasyonan sa radyo ug telebisyon.
Nakalitan ang America niini, ug ang ubang kanasuran, tungod kay sama sa nahitabo sa Sputnik 1, ang unang satellite sa kapunaw-punawan, naunhan na usab ang America. Hinuon, sa inyong nasayran, nakabawi ug nakabawos ang America tungod kay sila ang unang nakataak sa bulan (duna bay lain?).
Hinumdom ko, ambot pila nay edad nako adto, nagtan-aw mi sa TV coverage direct from the moon, pagtaak nilang Armstrong, ug pagtaud nila sa American flag didto sa bulan, nakaapil kog patulo sa akong mga luha.
Kon nakasaksi kamo niini, labing seguro makahilak sad kamo, ilabina nga gi-background-nan kini sa Fly to the Moon nga honi. Anyway, giingon dinhi nga sa tigum uban sa taga-gobyerno, si President Vladimir Putin mibutyag nga ang mga pag-testing nga gihimo sa vaccine, nakamatuod sa pagka-efficient niini ug naghatag og malungtaron nga pagka-immune niini gikan sa coronavirus.
Ug sumala sa napatik sa headline, ang pag-submit sa iyang anak mismo pagpabakuna, naghulagway sa dakong confidence ug pagsalig ni Putin sa pagka-epektibo sa Sputnik V. Otherwise, kon aduna pa siyay pagduda, ang iya lang untang mga driver ug mga janitor ang unahon pagpabakuna.
Ania: “President Vladimir Putin said on Tuesday (sa miaging semana ni) that Russia had become the world’s first country to grant regulatory approval to a COVID-19 vaccine after less than two months of human testing, a move hailed by Moscow as evidence of it scientific prowess.”
So, kon di ta motuo ni Putin, kinsa may atong tuohan? Aduna bay laing mga nasud ang mibutyag sa samang claim sa Russia bahin sa pagkakaplag na sa vaccine batok sa coronavirus?
Pagkakaron, adunay kapin sa 100 ka vaccine sa nagkalainlaing nasud sa kalibotan ang gibutang karon sa mga pag-testing, ug upat lamang niini ang anaa na sa Phase III human trials, matud pa sa WHO.
Unsa man ning Phase III trial? Matud pa: “The vaccine’s approval by the health ministry comes before the start of a larger trial involving thousands of participants, commonly known as Phase III trial.
“Such trials, which require a certain rate of participants catching the virus to observe the vaccine’s effect, are normally considered essential precursors for a vaccine to receive regulatory approval.”
Atong masabot, gikinahanglan nga dunay daghan kaayong mga tawo ang ma-testingan, una ang vaccine regulatory approval. Matud ni Peter Kremsner sa University Hospital sa Tuebingen: “Normally you need a large number of people to be tested before you approve a vaccine.”
Sa iyang bahin, si Duncan Matthews, professor of intellectual property law sa Queen Mary University of London namahayag nga “news of a potential COVID-19 vaccine was to be welcomed, but safety must be the priority.”
Kining maong mga concerns, gi-dismiss ni Putin pinaagi sa pag-ingon nga “the vaccine developed by Moscow’s Gamaleya Institute was safe and that it had even been administered by one of my daughters. I know that it works quite effectively, forms strong immunity, and I repeat, it passed all the needed checks.”
Gani, dugang ni Putin, ang mass production would start soon.