Dear Atty. Divine,
Duna mi pangutana labot sa yuta nga among giabangan sukad niadtong 1999 hangtud karon 2020. Lately, giingnan mi sa tag-iya nga papahawaon na mi kay ila nang gamiton ang yuta. Nakasabot mi niana kay nag-abang ra man mi, apan ang akong pangutana kun pwede ba mi magpabayad sa among gitukod nga balay sa maong luna? Daghang salamat. —Ric
Dear Ric,
Ang Contract of Lease kun duna moy pinirmahan niini mao nay magsilbing balaod ninyo ang mga terms and conditions niini. Apan kun pananglit wa malatid sa inyong contract nga ilang bayran ang inyong balay nga gitukod kun papahawaon na mo, then pwede mo mosuway sa paghangyo sa tag-iya nga inyong pabayran ang inyong balay. Kun di gyud mo magkauyon niini, then pwede nimo ipaguba ang imong balay aron magamit nimo ang nga materyales niini sa imo unyang balhinan. Thanks and God bless.
Atty. Divine
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.