Rehistro gilugwayan
RENBOR PATROL - Rene U. Borromeo (Banat) - August 6, 2020 - 12:00am

Lisud kaayo ang pagpa-renew sa mga mi-expire nga rehistro sa sakyanan karong panahona kay limitado ra ang gidaghanon sa maatiman sa Land Transportation Office (LTO) tungod sa gipatuman nga social distancing.

Atong daygon ang mga opisyal sa LTO, ug sa Department of Transportation (DOTr) kay mihatag gihapon sila og lugway sa pagpa-renew sa mga mi-expire nga rehistro sa mga sakyanan.

Kadtong mga plate numbers nga ending og 6, (June); 7, (July); ug 8, (August), gilugwayan ang iyang validity date sa deadline ngadto sa Septiyembre 30, nga dili dakpon bisan ug kini padayong gamiton.

Kon ang maong mga sakyanan nga ending 6, 7, ug 8, way ipahamtang nga multa basta ang pagpa-renew dili molapas sa gitagal nga petsa. Ang tumong niini aron nga dili magdasok sa LTO ang mga tag-iya og sakyanan nga magpa-renew sa ilang rehistro.

Pero kadtong mga plate numbers nga ending og 1, 2, 3, 4, ug 5, aw dakponon na gyud ug inigpa-renew niini, patungan na og multa nga bali’g katunga sa ilang tinuig nga bayranan sa rehistro.

* * *

Gikuyawan gyud ko nga karong gi-general community quarantine (GCQ) ang Dakbayan sa Sugbo, dantan og pila ka adlaw mosaka pagbalik ang gidaghanon sa mga pasyente nga mapositibo.

Tan-awa ra gud ang Metro Manila, gi-GCQ na unta sila apan pwerteng pagsaka sa Covid. Nag-No.1 gud ang National Capital Region sa labing daghang kaso sa Covid kaniadtong Martes.

Dinhi sa Dakbayan sa Sugbo, diha nga gideklarar kaniadtong Sabado nga GCQ na ang siyudad, ang mga tawo mora’g nakabuhi sa tangkal ug daghan ang nagtoo nga pwede na silang makalaag nga way face mask ug way social distancing.

Resulta, 570 dayon ka violators sa quarantine rules ang gipangsikop, wa pay labot sa mga nakasibat ra. Basta kay gipanguyawan gyud ko nga mosaka gyud pagbalik ang mga matakboyan og virus kon dili magmatngon ang katawhan.

Pahibaw-on lang mo nako ha nga hangtud kaniadtong Martes sa hapon, miabot na og 527 ang nangamatay sa Covid cases dinhi sa Dakbayan sa Sugbo, ug 2,741 pa ka active Covid cases nga giatiman man sa mga health authorities, apan sa kinatibuk-an gyud, miabot na ang tanang kaso og 9,123 apan 5,855 na ang nangaayo.

* * *

Papaulion na diay sa kaulohan ang mga sakop sa PNP Special Action Force (SAF) nga gipaabag sa pagpatuman sa quarantine rules dinhi sa Dakbayan sa Sugbo.

Lainlain ang reaksiyon sa publiko. Dunay nangalipay kay estrikto ra kuno kaayo ang SAF, pero duna say naguol, labi na kadtong mga nauyab sa mga sakop sa SAF.

REHISTRO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with