^

Banat Opinyon

Daghan ang mahadlok

RENBOR PATROL - Rene U. Borromeo - Banat

Sayop gyud kaayo nga dili na i-swab test pagbalik ang mga COVID-19 patients unya pagawason na lang gikan sa mga barangay isolation center human sa 14 ka adlaw nila nga pag-quarantine.

Nasayran nako nga ingon niini na diay ang gihimo sa kadagkoan sa Department of Health. Tingali, gidak-an na sila sa gasto kay mahal baya kaayo ang pagpa-swab test. Gituyo tingali aron makadaginot ang gobiyerno.

Apan kuyaw man gud kaayo kay mahimo man nga dili masuta kon wa na ba gyuy COVID-19 ang usa ka tawo pinaagi lang sa pagtan-aw sa iyang lawas. Sayonan ka nga igo lang ka nga tutokan ug padupa-dupahon sa imong kamot?

Usa nako ka amigo nga nakagawas na gikan sa Barangay Isolation Center diha sa Vicente Rama National High School, mitug-an nga giingnan siya sa kawani sa City Health Department nga ingon niini na ang pamaagi sa DOH pagka karon.

Pastilan. Kon ang usa ka tawo positibo lang gihapon sa COVID-19 apan asymptomatic kini, masuta ba sa pagtutok lang sa iyang nawong ug sa pagtan-aw kon maayo ba nga modupadupa?

Kon mahitabo nga positibo lang gihapon ang maong tawo apan wa lay hilanat, mahimong makapatakod lang gihapon siya kon may madikit kaniya? Unya, ang “disadvantage”sab niini kay dunay daghan nga magpanagana og duol sa maong tawo kay wa man sila masayod nga wa na gyud siya’y virus.

Nindot unta kaayo nga hinabion niining maong isyu si Cebu City Health Officer Daisy Villa, apan unsaon nga nabatasan na man niining maong doktor nga dili gyud motubag kon tawgon.

Unta, si Dr. Jaime Bernadas nga maoy regional director sa Department of Health (DOH)-7, mousab unta sa pamaagi sa iyang opisina nga dili na ipa-swab test ang mga Covid patients nga pagawason na nila gikan sa mga idolation center.

* * *

Napikal gyud ko diha nga may miingon nga mas kuyaw pa ang dengue kay sa Coronavirus Disease. Klaro kaayo nga ang maong tawo nga misulti niini nakadungog lang sa pamahayag ni Dr. Bernadas kaniadto.

Ambot kon niabot ba sa hunahuna sa maong tawo nga kon matakboyan og COVID-19 ang iyang pamilya, makahimo pa ba siya pag-uban niini didto sa iyang ward sa ospital, o kaha mga isolation center – gawas lang kon utro pa siyang positive.

Sa dengue, kon matakboyan og dengue virus ang sakop sa imong pamilya, pwede pa nimo siya nga kugoson, gakson ug hagkan nga dili ka mahadlok nga matakboyan usab og dengue.

Apan sa COVID-19 dili nimo kini mahimo. Ayaw mo pagpataka og sulti uy.

MAHADLOK

Philstar
  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with