Mahimong facemasks ang dag-anan
ARANGKADA - Leo Lastimosa (Banat) - June 1, 2020 - 12:00am

Sugod karong adlawa, nga mas daghan nang makagawas sa mga pinuy-anan aron pagbalik sa trabaho sa mas daghang mga industriya nga giablihan ubos sa general community quarantine (GCQ) sa Sugbo ug Central Visayas, gikabalak-an nga matanggong ang kasagaran nila sa kadalanan.

Kay pipila ra ka sakyanang pamasahero ang gitugotan sa Land Transportation Franchising and Regulatory Board (LTFRB). Ug pulos sila gihigpitan og katunga lang sa ilang kapasidad.

Ang mga traysikol gani makapasakay lang og usa ka pasahero. Pabiling gigakotan ang gisaligan sa mayoriya sa mga pasahero, ang public utility jeepneys.

* * *

Nagmingaw ang buses nga mao ray gipadagan sa gawas sa Cebu City ug Mandaue City—kansang enhanced community quarantine (ECQ) napupos gahapon—kay nipahamtang ang mga tagduma sa mga panginahanglan nga mas higpit pa kay sa checkpoints.

Kon tumanon sa lokal nga mga opisyal ang lagda nga ID sa kompaniya ug certifice of employment (COE) na lay ipakita sa mga trabahante, modako nang kita sa mga mamasahero karong semanaha. Apan ang kakuwang sa mga lingkoranan sa mga sakyanang pamasahero dako gihapong labad sa ulo, sunod lang sa kabalaka sa tinakdanay sa COVID-19.

* * *

Mahimong makagiya sa kadagkoan sa gobyerno sa pagsulbad ining problemaha ang malampusong kasinatian sa Hong Kong sa pagtugot sa naandang gidaghanon sa mga pasahero sa ilang mga tren, buses ug ubang mga sakyanang pamasahero.

Napamatud-an sa Hong Kong nga wa mosulbong ang tinakdanay bisan nagsikit ang mga pasahero kay pulos sila nagsul-ob og face masks.

Ug sa tanang naigo sa COVID-19, ang taga Hong Kong ang labing una nga niinsistir sa pagsul-ob og face masks.

* * *

Bisan sa pagsugod sa pandemiya nga ang gobyerno sa Hong Kong nidili sa katawhan pagsul-ob og face masks, bisan ang World Health Organization nitambag nga health workers ray mag-mask, ang taga Hong Kong nag-organisar sa ilang kaugalingon pagpalambo sa produksiyon sa face masks ug pag-apud-apod sa tanang molupyo labi na sa mga hamtong ug mga masakiton.

Mas andam ang mga tambalanan sa Hong Kong sa COVID-19 tungod sa ilang kasinatian sa SARS 17 ka tuig ang nilabay.

Apan ang boluntaryong pagsul-ob og face masks sa mga molupyo nakasagang sa sakit. Ug nakatabang nila karon pagbalik sa naandan nilang kinabuhi.

* * *

leo_lastimosa@abs-cbn.com

FACEMASKS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with